بعد الخلفة أي أم اكيد هتكون مش بتفكر في أي حاجة غير البيبي ونظرة له بتنسي الدنيا بس بعد فترة اكيد هتبدئي تاخدي بالك أن جسمك مبقاش زي الأول وفيه حاجات كتير اتغيرت فيه ونفسك ترجع زي ما كانت
النهارده هنقولكم على خمس تغييرات لازم هتحصل لجسمك بعد الولادة وازاي تقدري تعالجيها بسهولة ومن غير جراحة

الهالات السوداء
في أول كام يوم بعد الولادة نومك هيختلف تماما لانك هتبقي بتصحي عشان ترضعي البيبي كل ساعتين فبالتأكيد مش هتاخدي كفايتك من النوم وبالتالي ده هيزود الهالات السوداء اللي فيه احتمال كبير تكون زادت عندك بسبب قلة بعض العناصر الغذائية وقلة تدفق الدم للمنطقة دي
حقن الميزوثيرابي هي أفضل علاج للهالات السوداء ده عشان هي عبارة عن مادة غنية بالفيتامينات اللي بتحفز البشرة على تجديد خلاياها وبكدة بترجع لها حيويتها

الكلف وتصبغات البشرة
تغيير الهرمونات الشديد اللي بيحصل في وقت الحمل بيغير حاجات كتير في البشرة من ضمنها التصبغات البنية اللي بتظهر في اماكن كتير من بشرتك
التصبغات دي مع الوقت في خلال السنة اللي بعد الخلفة بعد ما هرموناتك ترجع لطبيعتها بتبدأ تخف لحد ما تختفي تماما
بس بعضها ممكن يفضل موجود لفترة أطول وفي الحالة دي ممكن نستخدم الفراكشنال ليزر لعلاجها

ترهل الجلد
البطن هي أكثر مكان هيتأثر بعد الخلفة لان هو اللي كان شايل معظم الوزن الزائد ودلوقتي خسره فجأة وعشان كده معظم الستات بيعانوا من ترهل جلد البطن بعد الولادة
الرياضة والأكل الصحي ممكن يرجعوا بطنك زي ما كانت بس في ستات كتير مش بتوصل للنتيجة المثالية
عشان كده تقنية الهايفو هتوصلك للنتيجة المثالية من غير ما تحتاجي عملية لشد البطن

علامات تمدد الجلد
ترهل البطن مش الحاجة الوحيدة اللي هتحصل مع خسارة الوزن بشكل سريع لأن ظهور علامات تمدد الجلد لازم يحصل بعد الولادة
جهاز موجات الراديو لنحت الجسم هيخلصك من علامات التمدد وهيرجعلك جسمك زي ما كان

الوزن الزائد
لو مش قادرة تتخلصي من الوزن الزائد بعد الولادة متفقيدش الامل عشان كتير من الامهات مش بيقدروا ينزلوه بسهولة اهم حاجة انك تصبري والتزمي بالاكل الصحي والرياضة

ده غير أن خدمات نحت الجسم عند عيادات وام كثيرة واكيد هتلاقي اللي يناسبك وبرده ممكن تشتري باكيدج المامي من وام اللي هتلاقي فيها راحتك وخدمات متنوعة عشان ترجع جسمك احسن مما كان قبل الحمل والولادة