فوائد ومعلومات مهمة عن تقنية الـ
Aqua Gold

بشرتنا بتتعرض طول اليوم وكل يوم لعوامل كتير بتأثر عليها وعلى نضارتها ومرونتها زي: عدم شرب مياه بكمية كافية، التدخين، التعرض للشمس لفترات طويلة، التعرض للأتربة

طيب ازاي المشاهير بشرتهم بتكون شبه خالية من العيوب مع إنهم أكيد بيتعرضوا لنفس العوامل دي؟

الإجابة عن السؤال ده بتتلخص في نقطتين: جلسات نضارة البشرة والمكياج على إيد متخصصين التجميل بالنسبة لجلسات النضارة فيه تقنيات كتير موجودة حالياً زي الميزوثيرابي وحقن البلازما والبوتوكس والديرما رولر وتنظيف البشرة. لكن دلوقتي بقى فيه تقنية جديدة وهي الـ

Aqua Gold

تقنية الـ

Aqua Gold

هي تقنية جديدة بنستخدم فيها أداة مكونة من جزئين

الجزء السفلي: عبارة عن زجاجة صغيرة بنقدر نحط فيها أي تركيبة علاجية بشرتك محتاجاها لحل مشاكل البشرة سواء كان البوتوكس أو الفيلر أو حمض الهيالورونيك أو فيتامينات للبشرة أو بلازما

الجزء العلوي: عبارة عن Gold Stamp (ختم الذهب) وبيتكون من إبر أو سنون دقيقة Microneedles مصنوعة من ذهب 24 قيراط

فوائد ال

Aqua Gold

الإبر الدقيقة بيكون سمكها رفيع جداً قد سمك الشعراية وبالتالي بتقدر تتغلغل داخل البشرة وتوصّل المزيج أو التركيبة العلاجية للبشرة من الداخل، فمفعول التركيبة بيكون أقوى

بتحفز الكولاجين في البشرة وبالتالي بتقلل التجاعيد والخطوط الدقيقة في الوجه

بتحفز الإيلاستين وده معناه إن البشرة هتفضل مرنة وشباب

بتساعد على تصغير وتضييق المسام عشان بشرتك تكون نضرة ومشرقة

مميزات الـ

Aqua Gold

مفعولها سريع وبيبان من أول جلسة

الإبر أو السنون معمولة من الذهب عشان تكون آمنة على البشرة ومتسببش أي حساسية

واخدة

FDA Approval

مصرحة من هيئة الغذاء والدواء الأمريكية

بتيدكي نفس تأثير الديرما رولر بالإضافة كمان لتأثير التركيبة العلاجية بس كله في نفس الجلسة

غير مؤلمة تماماً

نصائح خلال وبعد الجلسة

امتنعي عن غسل الوجه بالصابون أول يوم فقط، بس تقدري تغسلي وشك بالمياه عادي

حطي كريم واقي من الشمس لو اضطريتي تخرجي

اتأكدي إن الأداة مغلقة قبل الجلسة وإن مفيش حد استخدمها قبل كده

متستخدميش التقنية دي لو عندك حبوب عشان متنقليش البكتيريا من مكان لمكان

أماكن متاح فيها تقنية الـ

Aqua Gold

ممكن التقنية دي تلاقيها موجودة في عيادات التجميل، وتقدري تعمليها في

WHAM Clinics 

بأحسن جودة وأمان وأفضل دكاترة جلدية وتجميل