بتسمعي دايماً معلومات عن بعض الحلول التجميلية من أشخاص مقربين جربوها بنفسهم أو من برامج أو مقالات في مجلة أو أونلاين. بس للأسف بعض المعلومات دي بتكون غير صحيحة أو مبنية على وجهات نظر أو من مصادر غير موثوق منها. عشان كدة حبينا نقدم لك كل المعلومات اللي محتاجاها عن البوتوكس

إيه هو البوتوكس؟

البوتوكس Botox عبارة عن مادة تستخدم للتأثير على العضلات المسببة للتجاعيد الحركية أو التجاعيد التعبيرية ومشهورة بقدرتها على تقليل التجاعيد والخطوط الدقيقة

الخرافة الأولى: البوتوكس للتخلص من التجاعيد فقط

بالفعل البوتوكس بيساعد في التخلص من تجاعيد الوجه

التخلص من التجاعيد بين الحاجبين

التجاعيد العريضة بالجبهة وفوق الحاجبين

التجاعيد حول العين وتحتها

تجاعيد الرقبة

لكن كمان ليه استخدامات أخرى مهمة زي

التغلب على فرط التعرق في كف اليدين أو تحت الإبط

Gummy Smile إخفاء ظهور اللثة أو الابتسامة اللثوية 

الخرافة الثانية: هفقد تعابير وشي بالبوتوكس

كتير فاكرين إن حقن البوتوكس هيتسبب في وقوف وشهم عن الحركة وإنهم هيكونوا زي التماثيل أو العرايس البلاستيك من غير أي تعابير في الوجه، وده مش حقيقي. البوتوكس بيرخي العضلات المسببة للتجاعيد في مكان الحقن فقط زي التجاعيد الناتجة عن التكشير باستمرار وده لتحسين شكلها، لكن البوتوكس مش بيأثر خالص على تعابير الوجه إلا لو تم الحقن من خلال شخص غير مؤهل

الخرافة الثالثة: البوتوكس بيتخلص من كل التجاعيد

للأسف دي مش حقيقة، لأن البوتوكس بيتخلص فقط من التجاعيد الحركية أو التعبيرية أما التجاعيد الناتجة عن نقص الكولاجين أو التعرض المستمر لأشعة الشمس أو التقدم في العمر ليهم إجراءات وطرق علاجية تانية مختلفة عن البوتوكس

الخرافة الرابعة: البوتوكس تأثيره دائم

البوتوكس تأثيره غير دائم لأنه حقن مؤقت، تأثيره بيدوم بس ما بين 4 شهور ل6 شهور ، بس ممكن تتابعي مع الدكتور وتعملي جلسات تانية كل فترة عشان تحافظي على النتيجة اللي وصلتي ليها

الخرافة الخامسة: البوتوكس محتاج وقت طويل للشفاء

البوتوكس من أسرع الحلول التجميلية من حيث وقت الجلسة، وكمان تقدري تكملي حياتك الطبيعية بعد الجلسة مباشرةً لأنه ملوش أعراض جانبية أو إجراءات وقائية تخافي منها

الخرافة السادسة: البوتوكس مؤلم

بعض الحلول التجميلية بتكون مؤلمة إلى حدِ ما خاصةَ لو فيها تدخل جراحي. لكن البوتوكس من أقل الحاجات اللي بتسبب ألم لأنه مجرد حقن، فمش هتحسي غير بألم بسيط زي أي حقن. وأكيد تقدري تطلبي مخدر موضعي إذا لزم الأمر

الخرافة السابعة: البوتوكس غير آمن

FDA هل مادة البوتوكس سامة؟ لأ البوتوكس آمن جداً ومصرح بيه من إدارة الغذاء والدواء
من سنة 2002

أقدر أعمل البوتوكس فين؟

WHAM تقدري تحجزي جلسة حقن البوتوكس في عيادات
للجلدية والتجميل تحت إشراف دكاترة على أعلى قدر من الاحترافية والخبرة والالتزام