في الوقت اللي بنمر بيه لازم الكل يكون مستعد بمعلومات كافية وصحيحة علمياً ععشان تواجي أي موقف وأي خطر أو إشتباه إصابة بفيروس الكورونا

Covid-19

 إيمانا منا بزيادة الوعي عند الناس ومساعدتهم بطرق للتعامل في حال الإصابة، النهاردة الدكتوة وفاء محيلبة هتقدملك مجموعة نصائح تغذية عشان لو لاقدر الله ظهر عليك أو على فرد من أفراد أسرتك أي أعراض للفيروس تكوني عارفة ايه الأكل اللي هيساعد الجسم يتعافى

أكلات لتخفيف الأعراض

مع بداية ظهور الأعراض الحادة زي رتفاع ف درجة الحرارة وتكسير ف الجسم واحتقان في الزور أوالتهاب رئوي ابدأ فورا بالسوائل الدافئه كل ساعه ليمون او شاي احمر او اخضر او كرك او حلبه او قرفه او ينسون وجنزبيل او شوربه فراخ او لحم منزوعه الدسم مع الليمون. ده غير انه لازم يكون فيه ثلاث سناكس بين الوجبات ويفضل انها تكون من الفاكهه الغنيه بالطاقه زي البلح والتمر والرمان والعنب والتين

أكلات لتزويد الطاقة

مع أن مصاب الكونة في الأغلب بيفقد حاسة الشم والتذوق، الا انه لازم الالتزام بثلاث وجبات اساسيه صغيرة ويفضل المسلوق والاكل سهل البلع والهضم والامتصاص. زي إيه؟ زي مثلا بيضة أومليت مع توست طري للفطار، وقطعه فراخ صغيره او ارنب او كفته او لحم مفروم مع سوتيه وارز او ومكرونه في الغذاء، وزبادي او رايب بالعسل للعشاء. الدهون الطبيعية الصحية مفيدة عشان تزود الجسم بالطاقه زي زيت زيتون.  النشويات البسيطة قليلة الالياف اسهل ف الهضم زي لأرز والبطاطا والبطاطس المهروسه

 

أكلات لتقوية جهاز المناعة

من الحاجات المهمة للحفاظ على جهاز المناعة هي البروتين. والبصل والتوم بردم من الحاجات المهمة للمناعة اللي إحنا مش بنديلها أهميتها. العسل هو حاجة تانية برده مهمة للمناعة

غير كل النصائح دي، مريض الكورونا لازم يلتزم ببروتوكول العزل الصحي سواء في المنزل أو غيره. مع الالتزام بكبسولات فيتامين ج ٢ كبسوله ١٠٠٠ يوميا، وواحد اسبرين أطفال مع الحركه البسيطه